पत्रकार तसेच अध्यक्ष देशस्थदैवज्ञ सुवर्णकार समाज धर्मशाळा आळंदी देवाची यांच्या वाढदिवसानिमित्त निघोजकर यांच्या लेखणीतून
सत्याची कास, निर्भीड लेखणी आणि समाजाप्रती असलेली बांधिलकी हीच त्यांच्या पत्रकारितेची खरी ओळख!पत्रकारिता हे केवळ बातम्या देण्याचे माध्यम नसून समाजातील वास्तव मांडण्याची, अन्यायाविरुद्ध आवाज उठवण्याची आणि सामान्य माणसाच्या प्रश्नांना वाचा फोडण्याची एक प्रभावी चळवळ आहे. या क्षेत्रात स्वतःची वेगळी ओळख निर्माण करण्यासाठी संघर्ष, जिद्द, चिकाटी आणि प्रामाणिकपणा या गुणांची आवश्यकता असते. अशाच संघर्षमय वाटेवरून वाटचाल करत पत्रकारितेच्या क्षेत्रात आपला ठसा उमटवणारे पत्रकार म्हणजे संजोक काळदंते!
महाराष्ट्रातील अग्रगण्य दैनिकांमध्ये त्यांनी आपल्या पत्रकारितेच्या माध्यमातून दैदीप्यमान कामगिरी केली आहे. विविध वृत्तपत्रांमध्ये काम करताना त्यांनी पत्रकारितेच्या क्षेत्रातील अनुभवाची शिदोरी समृद्ध केली असून, आपल्या लेखणीच्या बळावर या क्षेत्रात वेगळी ओळख निर्माण केली आहे. काळानुसार बदलणाऱ्या पत्रकारितेच्या स्वरूपाशी जुळवून घेत, नव्या आव्हानांचा सामना करत त्यांनी आपला पत्रकारितेचा प्रवास सातत्याने सुरू ठेवला आहे.
आजही ते विविध दैनिकांच्या माध्यमातून पत्रकारितेचे कार्य तितक्याच उत्साहाने आणि निष्ठेने करत आहेत. काळ बदलला, माध्यमांचे स्वरूप बदलले, बातम्या देण्याच्या पद्धती बदलल्या; मात्र पत्रकारितेप्रती असलेली निष्ठा आणि समाजातील घडामोडी लोकांपर्यंत पोहोचवण्याची तळमळ कायम राहिली, तरच या क्षेत्रात आपले स्थान टिकवता येते. संजोक काळदंते यांचा पत्रकारितेतील प्रवास याच सातत्याची आणि कार्यतत्परतेची साक्ष देणारा आहे.
पत्रकारितेच्या क्षेत्रात काम करताना अनेकदा प्रतिकूल परिस्थितीला सामोरे जावे लागते. विविध आव्हाने, स्पर्धा, सामाजिक आणि व्यावसायिक दबाव यांचा सामना करत आपले कर्तव्य पार पाडावे लागते. अशा परिस्थितीत अनुभव, संयम आणि वस्तुनिष्ठ दृष्टिकोन यांच्या जोरावर पत्रकाराला आपली वाटचाल करावी लागते. पत्रकारितेतील प्रदीर्घ अनुभव हा केवळ वर्षांच्या मोजमापातून ठरत नाही, तर त्या काळात मिळवलेले ज्ञान, केलेले कार्य आणि जपलेली विश्वासार्हता यातून त्याचे खरे मूल्य स्पष्ट होते.
पत्रकारिता ही केवळ उपजीविकेचे साधन नसून समाजाप्रती असलेले उत्तरदायित्व आहे. सामान्य माणसाच्या प्रश्नांना प्रसिद्धी देणे, समाजातील महत्त्वाच्या घडामोडी लोकांसमोर आणणे आणि लोकशाहीच्या बळकटीकरणासाठी योगदान देणे, हे पत्रकाराचे महत्त्वाचे कार्य आहे. या कार्यात सातत्य राखत पत्रकारितेच्या क्षेत्रात सक्रिय राहणे ही निश्चितच उल्लेखनीय बाब आहे.
संजोक काळदंते यांचा पत्रकारितेतील प्रवास हा अनुभव, संघर्ष आणि सातत्य यांचा संगम आहे. महाराष्ट्रातील अग्रगण्य दैनिकांमध्ये केलेले उल्लेखनीय काम आणि आजही विविध दैनिकांच्या माध्यमातून सुरू असलेली त्यांची पत्रकारितेची वाटचाल ही त्यांच्या कार्यनिष्ठेची ओळख आहे.
लेखणीचा प्रवास अखंड सुरू राहो!
पत्रकारितेच्या क्षेत्रातील त्यांचा अनुभव अधिक समृद्ध होवो,त्यांच्या लेखणीतून समाजातील वास्तव प्रभावीपणे मांडले जावो आणि त्यांच्या पुढील वाटचालीत यशाची नवनवी शिखरे गाठता यावीत, हीच मनःपूर्वक सदिच्छा!
कारण काळ बदलतो, माध्यमे बदलतात; पण समाजहितासाठी झटणाऱ्या पत्रकाराच्या लेखणीचे महत्त्व कधीच कमी होत नाही!
संजोक काळदंते यांच्या कामाची, कर्तृत्वाची आणि अनुभवाची दखल घेत महाराष्ट्र राज्य पत्रकार संघ, मुंबई या संघटनेने त्यांच्यावर पश्चिम महाराष्ट्र सचिवपदाची जबाबदारी सोपवली आहे. पत्रकारितेच्या क्षेत्रातील त्यांचा अनुभव आणि कार्यतत्परता लक्षात घेऊन त्यांना ही संधी देण्यात आली आहे. तसेच, सुवर्णकार समाजातील त्यांचे योगदान आणि अनुभव यांची दखल घेत देशस्थ दैवज्ञ सुवर्णकार समाज धर्मशाळा, आळंदी यांच्या अध्यक्षपदाची जबाबदारीही त्यांच्यावर सोपविण्यात आली आहे. पत्रकारिता आणि सामाजिक क्षेत्रात त्यांना मिळालेल्या या दोन्ही जबाबदाऱ्या त्यांच्या कार्यकर्तृत्वाची आणि समाजातील विश्वासार्हतेची पावतीच म्हणावी लागेल.
शब्दांकन – रमेश तांबे (पत्रकार)
