भीमाशंकर च्या सहाशे एक जंगलावर कुऱ्हाड हा विकास नाही हा महाराष्ट्राच्या आत्म्यावर गाव आहे-ज्येष्ठ पत्रकार डॉ. मुकुंद निघोजकर

*पारनेर तालुका प्रतिनिधी श्री लक्ष्मण जवक यांच्याकडून
भीमाशंकर… फक्त एक तीर्थक्षेत्र नाही, 12 ज्योतिर्लिंगांपैकी एक, सह्याद्रीची शान, महाराष्ट्राची फुफ्फुसं! आणि आज त्याच भीमाशंकरच्या कुशीत 600 एकर जमिनीवरील लाखो झाडांची कत्तल सुरू आहे.

600 एकर म्हणजे काय? 600 फुटबॉल मैदानं! तेवढं जंगल एका झटक्यात संपवलं जातंय. विचार करा, किती जीव गेले असतील?

भीमाशंकर म्हणजे काय, हे आधी समजा:

हे पश्चिम घाटाचं हृदय आहे. UNESCO World Heritage Site, Wildlife Sanctuary, भीमा नदीचा उगम, शेकरू – राज्य प्राण्याचं घर, शेकडो दुर्मिळ औषधी वनस्पती, बिबटे, रानडुक्कर, सांबर आणि 200 पेक्षा जास्त पक्ष्यांच्या जाती. इथलं एक झाड तोडणं म्हणजे एका पूर्ण इकोसिस्टमचा खून करणं आहे.

600 एकर वृक्षतोड – येणाऱ्या काळात निसर्ग हिशोब घेतल्याशिवाय राहणार नाही:

1. भीमा नदी आटणार:
भीमाशंकर हेच भीमा नदीचं उगमस्थान. जंगल नसेल तर पाणी जमिनीत मुरणार कसं? झाडांची मुळं पाणी धरून ठेवतात. 600 एकर जंगल गेलं म्हणजे भीमा नदीचं पाणी 50% कमी होणार. पुणे, सोलापूर, पंढरपूरला पाणी कुठून येणार?

2. पुणे-मुंबईचं तापमान 3 अंशाने वाढणार:
भीमाशंकरचं जंगल हे पुणे-मुंबईसाठी नैसर्गिक AC आहे. हे जंगल थंड हवा सोडतं. ते तोडलं तर पुढच्या 2 वर्षात मावळ, खेड, जुन्नर, पुण्याचं तापमान 43-45 अंशावर जाणार. माणसं उष्माघाताने मरतील.

3. महापूर आणि भूस्खलन अटळ:
झाड नसल्यावर मातीला धरून कोण ठेवणार? एका मोठ्या पावसात 600 एकर मोकळ्या जमिनीवरून सगळी माती वाहून जाऊन खाली गावांमध्ये भूस्खलन होणार. केरळमध्ये, उत्तराखंडमध्ये जे झालं तेच भीमाशंकरमध्ये होणार.

4. शेकरू कायमचा संपणार:
महाराष्ट्राचा मानबिंदू शेकरू हा फक्त भीमाशंकरमध्येच राहतो. त्याचं घरच तोडलं तर तो जाणार कुठे? 600 एकरमध्ये हजारो शेकरू, बिबटे बेघर होऊन शेतात, गावात येतील आणि मग मानव-वन्यजीव संघर्षात माणसंच मारली जातील.

हा विनाश थांबवायचाच लागेल!

विकासाच्या नावाखाली जर ज्योतिर्लिंगाच्या जंगलाचीच कत्तल होत असेल, तर हा विकास कुणासाठी?

आज आपण गप्प बसलो तर उद्या निसर्ग आपल्याला गप्प करेल. निसर्ग कधीच उधारी ठेवत नाही, तो व्याजासकट वसूल करतो.

आता काय करायचं?
ही पोस्ट फक्त Like साठी नाही, जागृतीसाठी आहे. प्रत्येकाने शेअर करा.
भीमाशंकर वाचला तरच महाराष्ट्र वाचेल.
वनविभाग, सरकारला टॅग करा, विचारा – 600 एकरचा हिशोब द्या!

झाड तोडणारा आज करोडपती होईल, पण उद्या त्याच्याच पोराला ऑक्सिजन विकत घ्यावा लागेल.